ރަށުގައި ހިނގާ ކަމެއް ނޫހަކަށް ގެނައުމަކީ ދަތި ކަމެއް ނޫނެވެ. ފޮނުވާއިރު ހިމަނަންވީ ކަންކަން.
ރަށުގައި ހިނގާ ކަމެއް ނޫހަކަށް ގެނައުމަކީ ދަތި ކަމެއް ނޫނެވެ. ޑެސްކަށް ދުވާލަކު ގިނަ މެސެޖު ލިބޭ ކަމުގައި ވިޔަސް، ފުރިހަމަ މެސެޖެއް ނަމަ އަވަހަށް މަސައްކަތް ފެށެއެވެ.
ފޮނުވާ މެސެޖުގައި ފަސް ކަމެއް ހިމަނާށެވެ. ހިނގި ކަން، ހިނގި ތަން، ހިނގި ދުވަހާއި ގަޑި، އެކަން ފެނުނު މީހުން، އަދި ތިޔަ ފަރާތާ ގުޅޭނެ ނަންބަރެކެވެ.
ފޮޓޯއެއް ނުވަތަ ލިޔުމެއް އޮތް ނަމަ އެ ވެސް ފޮނުއްވާށެވެ. ފޮޓޯ ފޮނުވާއިރު، އެ ފޮޓޯ ނެގީ ތިޔަ ފަރާތުން ކަމެއް ނުވަތަ އެހެން ފަރާތަކުން ކަމެއް ލިޔުއްވާށެވެ. އެހެން ފަރާތެއްގެ ފޮޓޯއެއް ނަމަ، ހުއްދަ ހޯދުމަށް އަޅުގަނޑުމެން މަސައްކަތްކުރާނަމެވެ.
ނަން ނުޖަހަން ބޭނުން ނަމަ އެކަން ބުނުއްވާށެވެ. ތިޔަ ފަރާތުގެ ނަން ޑެސްކުން ބޭރަށް ނުދާނެއެވެ. ނަމަވެސް ގުޅޭނެ ގޮތެއް ބޭނުންވެއެވެ. ސުވާލެއް އުފެދިއްޖެ ނަމަ ގުޅަން ޖެހޭނެތީއެވެ.
އެންމެ ފަހު ކަމަކީ ކެތްތެރިކަމެވެ. ކަށަވަރުކުރުމަށް ވަގުތު ނަގައެވެ. ކަށަވަރު ނުވެއްޖެ ނަމަ ނުލިޔާނަމެވެ. އެކަމަކު ކޮންމެ މެސެޖަކަށް ޖަވާބު ދޭނަމެވެ.
