ކުޑަ ފިހާރައެއް، ކެފޭއެއް ނުވަތަ ފެހުމުގެ މަސައްކަތެއް ފެށުމުގެ ކުރިން ބަލާލަން ޖެހޭ ކަންކަން.
ރަށެއްގައި ކުޑަ ވިޔަފާރިއެއް ފެށުމަކީ ގިނަ ބަޔަކު ވިސްނާ ކަމެކެވެ. ފެށުމުގެ ކުރިން ބަލާލަން ޖެހޭ ކަންކަން އެބަހުއްޓެވެ.
ފުރަތަމަ ކަމަކީ ރަޖިސްޓްރީއެވެ. ވިޔަފާރި ރަޖިސްޓްރީކުރުމާ ބެހޭ މަޢުލޫމާތު ކައުންސިލުން ލިބޭނެއެވެ. ބައެއް މަސައްކަތްތަކަށް ވަކި ހުއްދައެއް ބޭނުންވެއެވެ.
ދެވަނަ ކަމަކީ ތަކެތި ގެނައުމުގެ ޚަރަދެވެ. ގިނަ ފަހަރު ފައިދާ ގެއްލެނީ މި ޚަރަދު ހިސާބު ނުކުރެވިގެންނެވެ. ބޯޓުގެ ފީ، ކިރާ ފީ އަދި ރަށަށް ގެނައުމުގެ ޚަރަދު، އެކުގައި ހިސާބުކުރާށެވެ.
ތިންވަނަ ކަމަކީ ބާޒާރެވެ. ރަށުގެ އާބާދީއާއި، އެ މަސައްކަތްކުރާ އެހެން ފަރާތްތައް ބަލާށެވެ. އެއް ރަށެއްގައި ތިން ފިހާރައެއް ހުންނަ އިރު، ހަތަރުވަނަ ފިހާރައަށް ޖާގަ އޮތްތޯ ވިސްނާށެވެ.
ހަތަރުވަނަ ކަމަކީ ހިސާބު ބެލެހެއްޓުމެވެ. ފެށުމުގެ ދުވަހުން ފެށިގެން، ލިބޭ ފައިސާއާއި ޚަރަދު ލިޔާށެވެ. ފޮތެއްގައި ލިޔުނަސް ރަނގަޅެވެ.
ފެށުމުގެ ޚަބަރު އަޅުގަނޑުމެންނަށް ފޮނުއްވާށެވެ. ވިޔަފާރި ބައިގައި ލިޔާނަމެވެ. އިޝްތިހާރަކަށް ބޭނުންފުޅު ނަމަ، އެއީ އިޢުލާން ބައެވެ. ދެ ކަންތައް އަހަރެމެން ވަކިކުރަމެވެ.
